Շվեյցարիայի քաղաքներում ապրում են երկրի բնակչության ավելի քան 60 տոկոսը (միջինը 450 մարդ 1 կմ-ի վրա): Ժնևից մինչև Կոնստանցի լիճը անբնակելի տարածք գրեթե գոյություն չունի: Մեծ ու փոքր գյուղերն ու գյուղաքաղաքներն արդեն մոտակա խոշոր քաղաքների արվարձաններն են համարվում:
Շվեյցարիայի ամենամեծ քաղաքը Ցյուրիխն է (350 հազ. բնակիչ), որն իր արվարձաններով միասին ունի ավելի քան մեկ միլիոն բնակչություն: Ժնևն իր 180 հազ. և Բազելն իր 165 հազ. բնակչությամբ կազմում են Շվեյցարիայի երկրորդ և երրորդ խոշոր քաղաքները: Մյուս խոշոր քաղաքներն են քաղաքամայր Բեռնը (125 հազ. բնակիչ) և Լոզանը (120 հազ. բնակիչ):
Շվեցարական քաղաքներն ունեն հարյուրամյակների պատմություն. նրանք իրենց հին քաղաքներով և միջնաբերդերով կազմում են երկրի պատմական և մշակութային ժառանգությունը: Այստեղ գլուխգործոց է համարվում Բեռնի հին քաղաքը, որը ՅՈՒՆԵՍԿՕ-ի կողմից ընդունվել է որպես աշխարհի մշակութային ժառանգություն:
rus | arm | eng 
