Շվեյցարիայի ազգային լեզուների քանակը նույնպես պատկանում է երկրում գոյություն ունեցող բազմազանությանը: Երկրի պաշտոնական լեզուներն են գերմաներենը, ֆրանսերենը, իտալերենն ու ռետոռոմաներենը:
Այնուհանդերձ սա դեռ չի նշանակում, որ բոլոր շվեյցարացիները խոսում են այս չորս լեզուներով:
Երկրի 18 կանտոններում խոսում են բազմաթիվ շվեյցարագերմանական բարբառներից մեկով (Բեռնի գերմաներեն, Լյուցերնի գերմաներեն և այլն),որոնք նույնիսկ նույն կանտոնի տարբեր շրջաններում տարբեր հնչյունաբանություն ունեն: Արևմտյան 4 կանտոններում (Ժնև, Վո, Նոշատել, Ժյուղա) խոսում են ֆրանսերեն, այնինչ Ֆրիբուրգի և Վալեի կանտոնները երկլեզու են (ֆրանսերեն ու գերմաներեն):
Հարավային Տիչինո կանտոնում բնակիչները խոսում են իտալերեն, իսկ արևելյան Գրիշունի կանտոնում՝ ռետոռոմաներեն: Շվեյցարիայում երկրի բնակիչներից շատերը , իրենց մայրենի լեզվից բացի, տիրապետում են երկրի`որևէ երկրորդ լեզվի և անգլերենին:
Բացի երկրի 4 պաշտոնական լեզուներից, Շվեյցարիայում կան նաև այլ լեզուներ, որոնցով խոսում են երկրում ապրող օտարերկրացիները, և որը նպաստում է երկրի բազմամշակութային ու ներդաշնակ մթնոլորտին:
Չնայած լեզվի, տեղանքի, կրոնի և կենցաղի բազմազանությանը` Շվեյցարիան ցուցաբերում է մի արտակարգ համերաշխություն ու միասնություն:
rus | arm | eng 
