Շվեյցարիայի պատմության վրա իր ազդեցությունն է թողել երկրի աշխարհագրական դիրքը, հիմնականում լեռների առկայությունը: Շատ կարևոր դեր են խաղում նաև ոչ միշտ ունեցած խաղաղ հարաբերությունները հարևան երկրների հետ:
Հռոմեացիները, ալեմանները, հետագայում ֆրանսիացիներն ու ավստրիացիները տարբեր ժամանակներում պայքարել են երկրին տիրանալու համար:
Կելտական ծագում ունեցող հելվետները Շվեյցարիայի տարածքում ապրող առաջին ժողովուրդն են: Դրա մասին է հիշեցնում մինչև այժմ Շվեյցարիայի պաշտոնական անվանումը Confoederatio Helvetica (լատիներեն):
Շվեյցարիան կազմավորվել է 1291թ. երկրի կենտրոնական մասում գտնվող 3 ամենահին կանտոնների կամ մարզերի (Ուրի, Շվից, Ունթրվալդըն) դաշինքի հիման վրա, որի նպատակն էր պաշտպանվել ավստրիական Հաբսբուրգների հարձակումներից:
Հետագա հարյուրամյակների ընթացքում, մի շարք քաղաքներ (Լյուցերն, Ցյուրիխ, Բեռն) միանում են կնքած դաշինքին: Մինչև մեծ Ռեֆորմացիա (1519թ.) այս դաշինքի անդամ էին արդեն 13 կանտոններ: Սա այսպես կոչված ազատ մարզերի մի միություն էր, որից դուրս գալը հնարավոր էր յուրաքանչյուր պահի:
Ժամանակակից Շվեյցարիան հիմնվել է 1848թ., քաղաքական կարճ պարերազմի արդյունքում ձեռք բերած նոր սահմանադրության հիման վրա, որը Շվեյցարիան դարձրեց ֆեդերատիվ պետություն:
Շվեյցարիայի՝ աշխարհում ունեցած չեզոք դիրքը, որը գոյություն ունի սկսած 1515թ., երկիրը հեռու է պահել XX դարի երկու համաշխարհային պատերազմներից և դրանով հնարավորություն ընձեռել երկրի հետագա զարգացմանը:
rus | arm | eng 
