Քանակական ցուցանիշներով Սանկտ-Գալենի համալսարանը համարվում է եվրոպական ամենափոքր համալսարաններից, բայց նրանում գործում է Շվեյցարիայում ամենահզոր տնտեսագիտական ֆակուլտետը, որն ուղղված է գործարարության ոլորտում փորձագետներ և ղեկավարներ պատրաստելու և նրանց հետագա ուսումնառության գործունեության իրականացմանը:

Գործում են նաև փոխանակման ծրագրեր Եվրոպայի, Հյուսիսային և Հարավային Ամերիկայի, Ասիայի բիզնեսի դպրոցների ու համալսարանների հետ: 1990թ. համալսարանը, որի ուսանողության մեկ քառորդ մասը օտարերկրացիներ են, դարձել է Կառավարման եվրոպական դպրոցների միության անդամ (CEMS - Community of European Management Schools): Արդյունքում, «տեղական» գիտական աստիճանից բացի, համալսարանի լավագույն ուսանողները կարող են ստանալ նաև եվրոպական դիպլոմ: Սանկտ-Գալենի համալսարանն առաջարկում է անգլերեն լեզվով մի քանի ուսումնական ծրագրեր: