Շվեյցարիան Եվրոպայում համարվում է մինիատյուր երկիր: Այս մեկ երկրի շրջանակներում տեղավորում է ամբողջ մայրցամաքի առանձնահատկությունները` առաջարկելով բոլոր այդ գրավչությունների յուրօրինակ բազմազանությունը, որոնք ստեղծվել են բնության և մարդու կողմից:

Իսկ երկրի օրինապահության և հասարակական տրանսպորտի գերազանց համակարգի շնորհիվ` այս ամենը հեշտ հասանելի են բոլորին և հատկապես նրան, ով այստեղ գալիս է հանգստանալու:

Սակայն հեծանիվը, որպես տուրիստներին տեղափոխման միջոց, ունի առանձնահատուկ գրավչություն: Միայն այսպես կարելի է ցանկացած արագությամբ, անհոգ դիտել բազում գեղատեսիլ վայրեր և զգալ Շվեյցարիայի կոլորիտն ու յուրօրինակությունը, երկիր, որտեղ հեծանվային տուրիզմը զարգացած է առավել, քան որևէ մեկ այլ երկրում, իսկ հեծանիվը ճանապարհորդների համար հանդիսանում է հանրային փոխադրամիջոց:

Հեծանվային տուրիզմն իրենից ներկայացնում է հեծանվով ճանապարհորդություն հարթավայրերով և կտրտված տեղանքներով: Հեծանվային տուրիզմը մեզ հնարավորություն է տալիս միշտ գտնվել լավ սպորտային վիճակում: Ու բացի այդ այն թույլ է տալիս վայելել նոր բնապատկերներ, այցելել գողտրիկ քաղաքներ: Հեծանվային տուրիզմը սպորտային տուրիզմի «Էկոլոգիապես մաքուր» տեսակն է. այն թույլ կտա արագ տեղափոխվել տարածության մեջ, քան օրինակ ոտքով տեղաշարժը (թրեքինգ): Սովորաբար հեծանվային տուրիզմի երթուղիները նախապատրաստվում են նախօրոք:

Լեռնային հեծանիվը շարունակում է մնալ ժամանակակից սպորտի տեսակ, սակայն կարելի է սովորական հեծանիվներով դուրս գալ նաև ընտանեկան զբոսանքի: Հեծանվային հստակ նշված երթուղիներ գոյություն ունեն Վալեյում, դրանք ավելի քան 190 կմ երկարությամբ ճանապարհներ են՝ ընկած Ռոն գետից մինչև Ժնևի լիճ, սրանցից շատերը անցնում են Ռոնի ափով և հարևան գողտրիկ հովիտներով. սա մի առանձնահատուկ հաճույք է: Առավել կոփված զբոսաշրջիկների համար կան կտրտված տեղանքներով երթուղիներ, որոնցից շատերն անցնում են Վալե կանտոնի լեռներով. այստեղ, իհարկե, շատ ավելի հարմար է լեռնային հեծանիվը: Այսպիսի երթուղիները նաև հատուկ հարմարեցված են տեղանքին:

Հաճախ ճանապարհորդներն ընտրում են 2-10 օրով երկանգամյա սննդով երթուղի՝ 2, 3 կամ 4 աստղանի հյուրանոցներում, նրանց տրամադրվում է ուղեբեռի տեղափոխում մի կետից մյուսը և սպասարկում` ճանապարհին հեծանիվների անսարքությունների դեպքում: Դրա համար երկրում կան գործընկերներ, որոնք կարող են օգնության հասնել ցանկացած պահի:

Շվեյցարիայում հեծանիվների երթուղիները նշված են շատ հստակ և պարզ, կարմիր նշաններով` սպիտակ հեծանվի պատկերով, նշանին հավելյալ կապույտ ֆոնի վրա սպիտակ թվերով զետեղված է երթուղու համարը:

«Հեծանվային երկիր Շվեյցարիան» "Veloland Schweiz" ուղեցույցը հանդիսանում է Շվեյցարիայում հեծանվատուրերի մասին ամենաամբողջականն ու տեղեկատվականը, այնքանով, որ պարունակում է երթուղային տեղագրական քարտեզներ, նկարագրություններ և այլ օգտակար տեղեկություններ:

Անհատական հեծանվային տուրի պլանավորման դեպքում կարող եք դիմել մեզ. մենք կարող ենք մանրամասնորեն միասին քննարկել տուրի կազմակերպման հարցերը, այն է՝ հեծանիվների վարձակալություն, հյուրանոցների ամրագրում, գիդ-ուղեկցողի ծառայություններ: Հեծանվատուրերի մասին շատ օգտակար տեղեկատվություն և գաղափարներ Դուք կարող եք գտնել նաև www.myswitzerland.ru (ռուսերեն լեզվով):

Սովորական հագուստին հավելյալ ազատ ժամանցի և սպորտի համար մենք Ձեզ խորհուրդ ենք տալիս վերցնել հետևյալ իրերը.
հեծանվային շապիկներ և կիսաանդրավարտիքներ (ավելի լավ է ունենալ նաև փափուկ միջնաշերտ)
հեծանվային ձեռնոցներ
հեծանվային սաղավարտ (կարելի է վարձել հեծանվի հետ)
հարմար սպորտային կոշիկներ
ջրի համար շիշ` թեկուզ 1 լիտր ծավալով
փոքրիկ ուսապարկ, որը պարունակում է.
լրացուցիչ հագուստ
արևից պաշտպանվելու քսուք
կեպի
երթուղու ուղեցույց
ուտելիք
արևային ակնոցներ
թեթև պիջակ քամուց և անձրևից պաշտպանվելու համար
սահմանը հատելու համար անձնագիր ( 12.12.2008թ.-ից Շվեյցարիան մտել է ԵԽ)